CESTA DE ACTIVIDADES PARA O NADAL: Xogo das matrículas

Este xogo é moi sinxelo de realizar. É unha dinámica onde precisamos un espazo un tanto amplo xa que nos moveremos ao longo do mesmo (non é preciso correr).

Neste xogo poderemos xogar toda a familia ou con amigos, tantos como queiramos. 

Materiais: 

- Un folio por cantos xogadores haxa na dinámica e outro a maiores por cada equipo. 

- Unha pinza, imperdibles, ou un trozo de celo por folio e xogador. 

- Un bolígrafo por equipo. 

Finalidade: 

Haberá dous equipos movéndose polo espazo, entre todos tratarán de adiviñar as matrículas de todos os xogadores do equipo contrario e apuntalas nun papel. Gaña quen relacione correctamente as matrículas que lles corresponde a cada xogador do equipo rival. 

Como desenvolver a dinámica: 

Dividiremos ao grupo en equipos. O ideal son dous pero podemos facer tantos como queiramos. “equipo 1” e “equipo 2”. 

Nomearemos capitán de cada equipo. Se neste caso hai conflito porque varios queren selo decidirase mediante o xogo pedra papel tesoira ou que adiviñen un número do 1 ao 10, previamente escrito nun papel. 

Repartimos un folio por participante de cada equipo. 

Nos folios que se dan a cada xogador, escribirán cada un dos participantes unha matrícula diferente. Por exemplo “xogador 1 matrícula: 1325nm”; “xogador 2 matrícula: 8756ab”. Etc. 

Cada un suxeitará a súa matrícula na súa lombo. 

O capitán de cada equipo collerá un folio a maiores onde apuntarán os nomes dos participantes do equipo contrario. 

Unha vez feitos os preparativos, a persoa que dirixe a dinámica dará o tempo que considere oportuno para que cada equipo organice a súa estratexia. 

Dáse o sinal de inicio, os participantes deberanse de mover ao longo do espazo determinado tratando de esconder as súas matrículas e á vez adiviñar as do equipo contrario. 

Consideracións: 

Non se permite apoiarse nunha parede para esconder a matrícula. 

Todas as matrículas deben de levar a mesma estrutura e orde.

Os números e as letras das matrículas teñen que ser perfectamente visibles. 

Se un xogador visualiza un número ou letra da matrícula dun participante do equipo contrario, comunicarallo ao seu capitán para que este o apunte no folio do equipo. 

Imagen de Capri23auto en Pixabay