QUENTANDO MOTORES II

Movendo os músculos e as articulacións

Parece que co anterior vídeo xa empezamos a movernos un pouquiño máis. E este non vai a ser menos, xa sabedes… Se non entendedes os exercicios podedes ver o vídeo, seguro que vos axuda.

Así que non vos roubo máis tempo, e a seguir quentando motores, que parece que xa empezamos a saír...

Quecemento

Dúas voltas ao redor da cadeira. Levantarse e sentarse 2 veces na mesma.

Exercicios (series de 10)

O que se adoita facer son series de repeticións, é dicir, repetir cada exercicio 10 veces.

OLLO. Non debemos forzar o noso corpo, así que, cada persoa ao seu ritmo. O importante é moverse, non as veces que o fagamos.

CARA	Estiramos os ollos contamos ata 5 e soltamos Sorrimos e despois simulamos facer unha  “o” coa nosa boca Pechamos os ollos e despois chiscamos un e logo outro
CABEZA	Dicimos que si coa cabeza. Miramos ao chan e ao ceo Dicimos que non coa cabeza. Miramos cara un lado e cara o outro Tentamos levar a orella a noso ombreiro. Primeiro á dereita, e despois á esquerda
OMBREIROS	Levamos a man dereita ao ombreiro esquerdo por diante e despois a man esquerda toca o ombreiro dereito Tocamos o ombreiro esquerdo coa man dereita por detrás. E despois o ombreiro dereito coa man esquerda
BRAZOS	Levamos as mans á caluga, e despois abrimos e pechamos os brazos Estiramos os  brazos adiante e primeiro os subimos e logo os baixamos Levamos os brazos cara adiante, simulamos facer coma unha tesoira
MANS	Simulamos limpar cristais coa man dereita, logo coa esquerda Pechamos unha man á vez que abrimos a outra e cambiamos Simulamos tocar o piano para un lado, logo para o outro
TRONCO	Tocamos sucesivamente o lado dereito e o esquerdo da cadeira Levamos a man dereita ao chan polo lado dereito e despois coa outra man polo lado esquerdo
PERNAS	Estendemos as pernas e dobrámolas Subimos un xeonllo e outro alternativamente Agarrados ao respaldo da cadeira, abrimos as pernas no aire e  abrímolas e pechámolas
PÉS	Apoiamos os pés, levamos as puntas abaixo e os talóns arriba Apoiamos os pés, unimos as punteiras e logo os talóns Facemos círculos cos nocellos

Estiramento

É moi importante manter a lombo dereito e as mans nos xeonllos sempre e cando non estean en movemento. Debemos contar ata 15 para que o estiramento poida ter efecto, pero como dixen mais arriba, cada persoa ao seu ritmo.

CABEZA PESCOZO	Colocamos unha man na cabeza, e tentamos chegar con ela á orella cara ao ombreiro Colocamos as mans na caluga, e tentamos levar o queixo cara o peito Colocamos as mans na fronte, e tentamos empuxar suavemente a cabeza cara atrás
BRAZOS MANS	Estiramos os dedos das mans Entrelazamos as mans e estiramos os brazos cara adiante Levamos a man a detrás da cabeza Entrelazamos as mans e estiramos os brazos cara arriba
TRONCO	Colocamos os brazos cara arriba, e despois inclinamos o tronco  á  dereita e  logo  á  esquerda
PERNAS PÉS	Subimos a perna cara arriba coma se a fósemos a cruzar e tiramos do xeonllo Estiramos a perna co talón cara arriba (inspira) e despois deslizamos o brazo para tocar a punta do pé (expira)

Photo by Dominik Wycisło on Unsplash