LUDOEXPERIMENTA 5

Dino ñaam ñaam: Galletas

Mans á masa? Hoxe propoñémosvos facer unha receita de galletas. Precisaredes a colaboración dos maiores, todos podedes argallar con esta idea de galletas de Dinosauros. Se tendes moldes desta ou doutra forma, ben, e senón ca imaxinación seguro que faredes formas xeniais. Non poderemos ter a proba, pero agardamos as vosas fotos!

Precisaredes os seguintes ingredientes:

225 gr. de manteiga.

500 gr. de fariña normal.

175 gr. de azucre glass.

1 ovo.

5ml de esencia de vainilla.

1 nadiña de sal.

Comezamos!

- Peneiramos a fariña.

- Metemos o azucre glass no bote da batedora xunto ca manteiga e batemos ata que vexamos que a mestura está cremosiña.

- Batemos o ovo ca esencia de vainilla e mesturámolo ben ca crema de azucre e manteiga.

- Engadimos o sal á fariña que tíñamos peneirada.

- Amasamos e engadimos un pouco de fariña á mestura e cubrímola con papel film para metela na neveira durante unha hora.

- Espolvoreamos fariña onde vaiamos estender a masa e...pasador de cociña!

É o momento de poñer os moldes na masa e ir sacando os dinosauros ou facendo as formas dos vosos moldes ou as que vos gusten.

- Coidadiño agora: o forno debe estar a 200º e as galletas estarán listas en 7 minutos.

Uuuuummmmmmm!