LUDOEXPERIMENTA 3
FACEMOS CREMA PASTELEIRA
Larpeiras e larpeiros, hoxe propoñémosvos unha nova receita de cociña moi doada para facer en familia. Trátase da crema pasteleira! Que será algo que podedes empregar para engadir en moitas sobremesas. Imos cociñar!
Para comezar necesitaremos os seguintes ingredientes:
- 3 xemas de ovos
- 100 g de azucre
- 50 g de “maizena”
- 50 g de manteiga
- Canela
- 1 anaco de cáscara de limón
- 1 vaina de vainilla
Elaboración:
Do medio litro de leite apartamos medio vaso (150 ml) e deixámolo no frigorífico. Botamos o resto nun cazo e engadimos a cáscara de limón e a vainilla. Poñémolo a fogo medio-alto ata que o leite estea a punto de ferver.
Entón, apartámolo do fogo e tapamos o cazo cun prato. Deixamos o cazo tapado durante 20-30 minutos para que se mesturen os sabores do limón e a vainilla no leite.
Mentres isto se fusiona, collemos o medio vaso de leite que temos reservado e engadimos a “maizena”. Mesturamos ben ata que se disolva completamente a “maizena” no leite frío.
Agora collemos unha cazarola mediana e poñemos as xemas de ovo e o azucre, batemos ben ata que se forme unha mestura homoxénea. Engadimos o leite frío coa “maizena” e batemos ben ata que se mesture todo.
 |
 |
Cando pasen 20-30 minutos de repouso do leite que quentamos, collemos un coador e vertémolo na cazarola que ten o leite mesturado coa “maizena”, as xemas e o azucre.
Coamos o leite coa vainilla e o limón directamente sobre a cazarola. Agora poñemos a cazarola ó fogo e mesturamos ben. Deixamos a fogo medio-baixo sen deixar de remover ata que a crema espese.
 |
 |
 |
Como paso opcional, pódenselle engadir neste intre uns anacos de manteiga a temperatura ambiente, mesturando ben. A manteiga deixará unha textura máis cremosa!
Só queda colocar un papel “film” para que non forme unha película na superficie. E logo... podedes utilizala como recheo de pasteis, para preparar tortas e outros doces. Algúns deles verémolos en próximas receitas!
Bo proveito!!
Photo by Sarah Gualtieri on Unsplash