LUDOEXPERIMENTA 1
BISCOITO DE CHOCOLATE CON LARANXA
Nestes días nos que pasamos máis tempo nas nosas casas podemos ver como está triunfando a cociña, e sobre todo, a sobremesa! É normal, pois como se soe dicir...a quen lle amarga un doce?
Neste caso pensamos nun doce de chocolate con laranxa, moi axeitado para que os máis pequenos/as participen na cociña, acompañados por un adulto.
Ingredientes:
- 1 laranxa
- 3 ovos
- 150 g de cacao en po
- 250 g de fariña
- 150 g de azucre
- 100 ml de aceite de xirasol
- 1 sobre de lévedo en po
Elaboración:
Paso 1. Mesturamos a fariña co lévedo e reservamos.
Paso 2: Separamos as xemas das claras. Montamos as claras a punto de neve.
Paso 3: Batemos as xemas e imos engadindo pouco a pouco o azucre e remexendo.
Paso 4: Cando o azucre estea ben incorporado na mestura, engadimos o aceite de xirasol, batendo ben todo.
Paso 5: Agora acenderemos o forno a 180º para que se vaia quentando. Imos incorporando, pouco a pouco, a mestura que tiñamos reservada de fariña e lévedo.
Paso 6: Engadimos as claras montadas a punto de neve, e remexemos.
Paso 7: A continuación, engadimos o cacao en po e ímolo incorporando ben co batedor.
Paso 8: Raiamos a laranxa e espremémola. Botamos o zume pouco a pouco na mestura e imos remexendo. Despois, botaremos as raspaduras de laranxa e incorporámolas ben.
Unha vez ben integrado todo, botaremos a mestura no molde e meterémolo no forno. Xa sabedes que teremos que poñerlle papel de forno ó molde ou tamén podemos engraxalo con manteiga.
Despois de 20-25 minutos aproximadamente, comprobaremos coa punta dun coitelo o grao de cocción, se o coitelo sae limpo ó pinchar o biscoito é que está listo!
Por último quitarémolo con coidado do molde, e deixarémolo arrefriar antes de servilo e degustalo!
Animádesvos a facelo?
Paso 2: Separamos as xemas das claras. Montamos as claras a punto de neve.
Paso 3: Batemos as xemas e imos engadindo pouco a pouco o azucre e remexendo.
Paso 4: Cando o azucre estea ben incorporado na mestura, engadimos o aceite de xirasol, batendo ben todo.
Paso 5: Agora acenderemos o forno a 180º para que se vaia quentando. Imos incorporando, pouco a pouco, a mestura que tiñamos reservada de fariña e lévedo.
Paso 6: Engadimos as claras montadas a punto de neve, e remexemos.
Paso 7: A continuación, engadimos o cacao en po e ímolo incorporando ben co batedor.
Paso 8: Raiamos a laranxa e espremémola. Botamos o zume pouco a pouco na mestura e imos remexendo. Despois, botaremos as raspaduras de laranxa e incorporámolas ben.
 |
 |
Unha vez ben integrado todo, botaremos a mestura no molde e meterémolo no forno. Xa sabedes que teremos que poñerlle papel de forno ó molde ou tamén podemos engraxalo con manteiga.
Despois de 20-25 minutos aproximadamente, comprobaremos coa punta dun coitelo o grao de cocción, se o coitelo sae limpo ó pinchar o biscoito é que está listo!
Por último quitarémolo con coidado do molde, e deixarémolo arrefriar antes de servilo e degustalo!
Animádesvos a facelo?