APERITIVOS

Imos facer uns aperitivos para desfrutar nas nosas casas con familiares e amigos. Aproveitando isto e o bo tempo, hoxe propoñémosvos uns aperitivos saudables, ricos e orixinais para desfrutar todos xuntos cun refresco!

1. “Crackers” de anchoa

Esta modalidade de galletiñas salgadas son ideais para merendar ou picar antes de cear. Ademais de estar ricas é unha maneira sinxela de consumir anchoas, un alimento que, en principio non entusiasma a moita xente, sobre todo ós máis pequenos.

Ingredientes (para unhas 40 uds.):

• 55 gr fariña
• 55 gr manteiga
• 30 gr queixo parmesano raiado
• 4 anchoas
• pementa negra

O primeiro paso será cortar a manteiga en taquiños (o mellor é sacala directamente da neveira para que sexa máis fácil de manipular). Engadimos o queixo raiado, a fariña e a pementa. Esmagamos todo coa axuda dun garfo de modo que tódolos ingredientes se vaian integrando. Cando teñamos unha masa máis ou menos homoxénea debemos pasala ó vaso da batedora. Neste momento introducimos as anchoas e trituramos todo.

Unha vez que temos a masa lista envolvémola en “film” tal e como se ve na imaxe e meterémola na neveira (como mínimo 1 hora) para que adquira consistencia e firmeza. Mentres tanto poñemos o forno a quentar a 200° e engraxamos a placa do forno cun pouco de aceite vexetal axudándonos dun pincel de cociña (se non temos podemos facelo con papel de cociña).



Unha vez que a masa estea o suficientemente fría para traballala debemos estendela sobre unha superficie lixeiramente enfariñada. Coa axuda dun rolo procedemos a estirar a masa dándolle 0,5 cm de grosor, aproximadamente. Agora cortaremos a masa coa axuda dun corta pastas (un de 3 cm sede diámetro sería ideal) e reutilizaremos os recortes sobrantes amasándoos de novo para poder crear máis formas redondas. En caso de non contar con un corta pastas podemos cortalas con coitelo e darlle unha forma cadrada.



Por último, dispoñemos as galletiñas sobre as placas e metémolas ó forno uns 6 minutos, ata que se douren. Unha vez que as retiremos debemos deixalas arrefriar.

2. Salsa de alcaparras e cabaciña.

Esta é unha salsa lixeira e moi saudable cunha textura suave e cremosa ideal para acompañar coas galletiñas anteriores. Ademais podemos servila fría ou quente.

Ingredientes:

• 3 cabaciñas
• ½ allo
• 2 culleres pequenas de alcaparras
• 2 culleres de aceite de oliva
• ¼ do zume de 1 limón
• sal

Cortamos os cabaciñas en toros e cociñámolos, preferiblemente ó vapor, durante 5 minutos, ata que queden ternos.

Mentres, picamos ½ allo. Unha vez que o cabaciña estea listo pasarémolo ó vaso da batedora e agregamos os demais ingredientes: as alcaparras, o allo e o aceite de oliva. Trituramos ata obter un puré sin grumos. Finalmente agregamos sal e zume de limón ó gusto.

Unha opción moi resultona é dividir a masa en 2 partes e a unha delas podemos engadirlle chile picante.



Esperamos que desfrutedes deste aperitivo!

Photo by Rod Long on Unsplash