A ODISEA

Redescubrindo aos clásicos

"A Odisea contada aos nenos", "neste fermosísimo relato nárranse as aventuras que vive Ulises -coñecido como Odiseo en Grecia- navegando polo mar Mediterráneo. Enormes tempestades azoutan a súa nave porque o deus do mar Poseidón, quérelle facer mal. Non obstante, protéxeo a deusa da sabedoría, Atenea. Ulises ten que enfrontarse a un xigante monstruoso dun só ollo, a unha maga que converte en porcos os seus compañeiros e a moitos outros perigos" (texto: editorial). Está dispoñible na plataforma de empréstamo de libro en galego, Galiciale.

Título: A Odisea contada aos nenos
Autor: Rosa Navarro Durán
Ilustrador: Francesc Rovira
Editorial: Rodeira
Ano edición. 2014
Páx: 2019
ISBN: 9788434921985


Proposta de actividade:
-Así como na historia que acabamos de ler Ulises navega polo Mar Mediterráneo podemos facer un barco de papel.
1.-Coloca unha folla en branco enriba dunha mesa, en sentido horizontal.



2.-Dóbrao pola metade. Marca moi ben a dobrez.



3.-Xiramos 90 º enriba da mesa cara a esquerda. Dobramos cara o interior e ata o centro os dous extremos da folla da parte superior, que é a que está unida. Non se poden solapar. Marca ben a dobrez.



4.- A parte da folla sobrante que é a que atopamos na parte inferior tras facer o punto 2 dobrámola cara a parte superior. Ten que quedar superposta á figura que fixemos no punto 2. Pero só unha cara.


5.-Dámoslle a volta ao papel e repetimos esta última operación, pero coa outra cara. De tal forma que no medio debe quedar un triángulo.



6.-As solapas que sobresaen polas esquinas dobrámolas seguindo a liña que forma os lados triángulo.


7.-Agora, temos que abrilo e volvelo a pregar pero no outro sentido ao que abrimos.

8.-Tedes que ter a forma dun rombo. Marcamos ben as dobreces e convertémolo de novo nun triángulo, para iso collede o extremo da folla (pola parte que está aberta e por unha soa cara) e dádelle cara a esquina inferior do rombo, unindo as puntas da folla.



9.-Dámoslle a volta ao rombo e repetimos a mesma operación. Unindo as esquinas (a da parte superior coa a da parte inferior). Se o fixestes ben teredes de novo un triángulo.



10.-Volvemos a abrilo.



11.-Volver a dobralo no outro sentido de tal xeito que teremos a forma dun rombo.



12.- Dámoslle a volta (deixando a apertura cara abaixo) e estiramos polos extremos. Agora só temos que darlle forma.


Unha vez que o teñades feito (podedes facer varios e de distinto tamaño) poñéndolle nome e decorándoos (podedes empregar distintos tipos de papel) preparades un xogo de puntería: colocádeos enriba de distintas sitios (da mesa, nos estantes...etc) e con distintas alturas e facedes boliñas de papel (se as pintades de negro poden pasar por minas) para intentar derribalos.

Fonte. Catálogo rede de bibliotecas públicas de Galicia

Imagen de Miguel Á. Padriñán en Pixabay